2016 წლის 5 ივნისს სერვანტესის სახელობის გიმნაზია აია–ჯესსში დიდი ზეიმი გაიმართა:  სკოლასთან არსებული ცეკვისა და მუსიკალური სტუდიების კონცერტით, პირველკლასელთა ინგლისურენოვანი სპექტაკლით „ალადინის ჯადოსნური ზღაპარი",  სკოლამ ცხოვრების დიდ გზაზე გააცილა მეთორმეტე კლასელები,  შედგა მომავალ პირველკლასელთა  „აია-ჯესსელებად" ნათლობა. 

მადლობის ფურცლები სკოლის წარმატებაში შეტანილი წვლილისთვის გადაეცათ პროექტების ნასას და  INTEL ISEF-2016–ის მონაწილეებს,  ოლიმპიადის გამარჯვებულ ბავშვებს, რომლებიც განათლებისა და მეცნიერების სამინისტროს დაფინანსებით იმყოფებოდნენ პოლონეთში, კოპერნიკის სამეცნიერო ცენტრში. დიპლომები გადასცეს წიგნის  „სახალისო გრამატიკა ინგლისურ ენაში"  ავტორებს–გიმნაზიის მერვე კლასელებს. 

„ბედნიერებას არ პოულობენ ბედნიერებას ქმნიან. მისი შექმნის უმარტივესი ხერხი არსებობს. წარმოიდგინეთ წყალი, რომელშიც აგდებენ კენჭს, ჰაერი, რომელშიც ვიბრაციით ვრცელდება ბგერა. სწორედ ასეთ ტალღებად, გაუშვით დადებითი ენერგია, ურთიერთსიყვარული და თანადგომა  გარშემომყოფებისადმი და გავრცელდება სულში ღიმილი, დაისადგურებს თქვენს ირგვლივ ბედნიერება. ბედნიერები და დალოცვილები გამყოფოთ უფალმა...გისურვებთ წარმატებებს, ლამაზ სტუდენტობას, უჭირველ და ურცხვინველ სიცოცხლეს ღრმა სიბერემდე."–ამ სიტყვებით გააცილა ცხოვრების დიდ გზაზე თავისი მეთოთხმეტე  გამოშვება აია–ჯესსმა.

 ალბომი