„ვამთავრებ ლოცვას, ვარ სრულიად თავისუფალი!"-- ამ სიტყვებით დაიწყო ჩვენი მოსწავლეების შეხვედრა თანამედროვე ქართველ პოეტ ტარიელ ხარხელაურთან. მეშვიდე და მერვე კლასის მოსწავლეები სტუმრად ეწვივნენ ლიტერატურულ სალონ ,,ნოსტალგიას". შეხვედრას ორგანიზება გაუწია პედაგოგებმა სოფიო ავსაჯანიშვილმა და ეკა ზაქაიძემ.  მასპინძლობდა ტრადიციულად პოეტი ქალბატონი გიული ჩქარეული. 
ჩვენმა მოსწავლეებმა მხატვრულად წაიკითხეს პოეტის ლექსები. იმდენი ემოცია, სითბო და სიყვარული იღვრებოდა მათ მიერ წარმოთქმულ თითოეულ სტრიქონში, რომ სიტყვებით ძნელია ამის გადმოცემა. მჯერა, რომ დღევანდელი შეხვედრა და უშუალო საუბარი დიდხანს დაამახსოვრდებათ ჩვენს მოსწავლეებს. 
ბავშვების მიერ დასმულმა ალალმა, გულახდილმა კითხვებმა დააფიქრეს პოეტი და საოცრად ტკბილი ხმით ცდილობდა აეხსნა მათთვის, რა არის ღირებული დღეს, როგორ უნდა იცხოვრონ ამ ქვეყნად, რომ ღირსეული ადგილი დაიმკვიდრონ საზოგადოებაში. იმედი მაქვს,