სერვანტესის სახელობის გიმნაზია "აია-ჯესს"-ში 2015-2016 სასწავლო წლის დაწყებასთან დაკავშირებული ღონისძიება გაიმართა. მოსწავლეებს, მშობლებსა და პედაგოგებს სასწავლო წლის დაწყება მიულოცეს დირექტორთა საბჭოს წევრებმა ნონა ბოლქვაძემ, ლელა ბოჭოიძემ და რუსუდან ბოლქვაძემ. გამორჩეულად მიულოცეს სასწავლო წლის დაწყება სკოლის პირველკლასელებსა და საბავშვო ბაღის აღსაზრდელებს გიმნაზიის მეთორმეტე კლასელებმა. სკოლასთან არსებული ცეკვისა და სიმღერის სტუდიის „არტ-იმედის" წევრებმა ლამაზი კონცერტი გამართეს გიმნაზიის ეზოში. ფასიანი საჩუქრები გადაეცა იმ პედაგოგებს, რომელთაც სკოლაში მოღვაწეობის 10 წელი შეუსრულდათ. ულამაზეს საკლასო ოთახებში შესულ პირველკლასელებს მერხებზე საჩუქრები დახვდათ პირველი პედაგოგის პირველ ბარათთან ერთად.
ბედნიერ, წარმატებებით გაჯერებულ სასწავლო წელს გისურვებთ აია-ჯესელებო!
